過江女神：大方囡囡 樂做蠢女人
喺男人心目中，一個理想嘅女伴唔一定要樣靚身材正，但係就要夠蠢！大家咪誤會，講緊嘅「蠢」字，並唔係乜都唔識，終日戇居居嗰種，而係啱啱相反，醒目到識得喺適當時候對男人採取隻眼開、隻眼閉嘅態度。不過，要令到男人相信自己係一個「蠢女人」，真係一啲都唔容易，好似呢次嘅主角唐玉就自我訓練咗一段長時間先成功，聽講家吓氹得身邊一班男士鬼咁開心，究竟有乜嘢辦法呢？
撰文：娟娟 攝影：德
最緊要識詐傻
現於澳門×華盛世夜總會工作嘅唐玉認為，有啲男人唔管得，吓吓迫佢做呢樣嗰樣，隨時會帶嚟反效果。佢話：「喺呢個社會打滾咗咁多年，除咗令我了解男人嘅心態之外，更明白到自己應該以乜嘢態度去對住身邊啲男友。舉個例，有部分男友生性風流，做得佢哋嘅女朋友，就要識得隻眼開、隻眼閉，一來唔使自己受氣，二來可以避免咗好多爭拗，就算明知男友去蒲，都最好乜都扮唔知，等佢哋出去玩嘅時候可以盡興一啲，直至玩到夠皮，返到嚟自然會對我更加好啦！」
竟然可以容忍自己嘅男友出去拈花惹草，唐玉認真大方。之後索女又補充：「其實女人好簡單，只係需要個男人對自己好就已經足夠，佢要去玩，咪由得佢玩個夠囉！」若然識得好似唐玉呢亭女仔，真係幾好咁喎！
演技要逼真
雖然唐玉講到自己咁大方，不過佢亦坦言要表現到毫無感覺，確實有一定難度，佢話：「初時未習慣，感覺都幾辛苦o架！但要令男人完全相信自己係蠢女人嘅話，演技一定要逼真，將自己完全投入角色，甚至當正自己係電影入面嘅女主角一樣，當男人出去玩嘅時候，往往會諸多藉口，就算佢哋啲藉口來來去去都係嗰幾款，但係喺佢哋面前都會扮到信任，等佢哋以為自己好叻。當玩夠返到屋企時，睇見我仲喺度等佢門，男人自然會內疚，咁我就可以要風得風、要雨得雨啦！」呢招苦肉計所帶嚟嘅刺激，的確唔係個個女人都受得起，更加唔係個個男人都受o架！
以實力博歡心
聽唐玉講完之後，終於知道原來做蠢女人，要扮傻之餘，仲要演技好，如果真係做得到嘅話，睇怕都可以拎最佳女主角喇！不過唐玉又話，做咁多嘢，真正目的都只係希望男人發現身邊嗰個女人先至係最好嘅。唐玉話：「我相信無論幾爛玩嘅男人，都總會有厭倦嘅一日，到佢哋覺得冇晒樂趣，呢個時候，先至發揮我嘅真正實力，到時邊個最好，佢哋自然心中有數啦！」究竟係乜嘢實力先？唐玉話：「咪即係床上功夫囉！唔好話我讚自己，對於如何服侍男人，令佢哋興奮又過癮，我絕對瞭如指掌，每次上床嗰陣，我都會主動出擊，施展渾身解數，甚至將佢哋吸乾吸淨，咁先至顯得我特別正o架嘛！」玩到咁激，會唔會搞到精盡人亡o架！
唐玉小檔案
年齡：20歲
三圍：34、25、35
興趣：睇電視