廖碧兒輸峰頭拒呵陳豪
廖碧兒以低胸連身裙出席內衣活動，但「峰」頭卻被上身只穿着胸圍拋胸亮相的Jocelyn搶盡；對於緋聞男友陳豪失落「我最喜愛男角色」獎項，碧兒坦言未有給予慰問。
名模Jocelyn和廖碧兒昨日在尖沙咀出席內衣活動，Jocelyn以時款胸圍拋胸亮相，咪咪呼之欲出，搶盡以連身裙亮相廖碧兒的風頭。廖碧兒其後即席設計胸圍，為胸圍貼上閃石，及後又獲贈一套紅色性感內衣。
攞獎Bonus
廖碧兒接受訪問時被問到風頭被Jocelyn搶盡？她表示：「因為佢先係代言人嘛！（會唔會做內衣模特兒？）做Model嘅機會比較少，其實內衣都好健康，最緊要着出來有自信。（係咪酬勞高肯着？）唔係，仲要睇image。（可有勇氣只穿時款內衣出街？）唔會，呢排天氣凍！」
對於緋聞男友陳豪在無綫台慶頒獎禮中敗給林峯、失落「我最喜愛男角色」獎項，問到廖碧兒可有作出安慰，她說：「冇喎！唔知佢覺得失望喎！其實冇話輸畀邊個嘅，攞獎就當係Bonus。」
滿意身材
Jocelyn接受訪問時表示對自己的身材十分滿意，又透露老公喜歡她穿着性感內衣，又認為一個好的胸圍可以令身材變得更靚。
Jocelyn又指聖誕節將與老公返到夏威夷老家度假兩星期，享受陽光與海灘。
採訪：影視組