黃宗澤撇杏兒閃縮隊酒

黃宗澤同胡杏兒拍拖咁多年，兩個成日隔空打情罵俏，都好恩愛吓，但前幾日八太就見黃宗澤撇低女友，同兩個男友人去咗尖沙咀嘅酒吧飲嘢。之不過嗰晚黃宗澤就好鬼祟，戴晒鴨舌帽嘅佢，同朋友到場時頭耷耷咁急急腳入酒吧，仲揀咗張酒吧最入嘅枱，其實嗰張枱位置已經好隱蔽，但黃宗澤慌死畀人見到咁，仲要全程用個背脊「得」住門口，見佢就連行去廁所，都要拉高件衞衣遮住個樣。其實黃宗澤都係同男仔飲嘢之嘛，就算畀胡杏兒知道都唔係咩事啫，澤哥唔使咁避忌呀。