毛舜筠搔出黑頭買面膜急救

毛舜筠（毛毛）最近唔使拍劇，早兩日八太就見毛毛鬼咁得閒，下晝五點幾同個女性朋友去咗銅鑼灣行街街，一向貪靚嘅毛毛，入到商場即刻拉住個朋友去化妝品專櫃度揀護膚品，見佢個樣好似好識貨咁，仲向友人不停介紹面霜同潔面產品，但兩個左揀右揀時，毛毛開始有啲手痕痕，見佢又摸面又搔鼻，仲搔足兩、三分鐘先停手，唔通搔緊鼻上啲黑頭，唔怪得轉頭毛毛又去揀清潔面膜，最後佢同個朋友都大有斬獲，毛毛仲開心到見牙唔見眼。