關詠荷接job力爭親子時間

關詠荷演藝事業成績有目共睹，同時她亦為人妻和一女之母，相夫教女身兼多職，入得廚房出得廳堂，加上其健康形象深入民心，因而獲廣告商睇中，成為桂格燕麥重量級代言人，她說：「可能我生活正常健康啩。其實我生咗小朋友後更加注意一家人嘅飲食，唔可以太粗心大意。」日前她與HotCha成員Regen在一幢獨立屋拍攝廣告，兩人更穿上貼身運動服做瑜伽。

自認饞嘴

她透露身為家庭主婦，要照顧一家三口起居飲食，有時亦很頭痛，她說：「囡囡仲細，有時食嘢唔可以太鹹，但老公又會嫌唔夠味，真係頭都大埋。」關詠荷又指自己過往很饞嘴，大閘蟹更是她的至愛，老公張家輝亦曾叫她停口，現在成為代言人後，可以透過代言食品來keep fit，令張家輝放下心頭大石。

關詠荷形象健康，成為桂格燕麥的代言人。

關詠荷（左）與Regen一齊做瑜伽。

陪伴成長

身為時尚的家庭主婦，又要兼顧演出工作，她表示時間上的安排要恰到好處，她說：「要兼顧小朋友嘅成長係一個學問，分配時間好重要，小朋友成長過程要學習，家長係要用精神同時間去陪伴佢哋。我曾經試過因為工作陪唔到小朋友，開工時個心都唔安樂，有種內疚感。所以我依家接工作都會喺時間上分配得妥當。」

文：影視組