Eason懶握手屁股任摸
陳奕迅（Eason）雖然聲沙帶病演出連日來的演唱會，但不改其鬼馬本色，有粉絲將他在個唱中任人摸pat片段放上youtube，見他走近觀眾位握手，另一邊粉絲拍他背脊示意想握手時，他即趷起屁股任粉絲拍打當握手，場面搞笑。
前晚第六場演出，Eason大講「屁功」，當年他在英國讀書時曾見過一個人表演屁功，他笑說：「嗰個人好勁用屁聲奏咗首《 I will always love you》，我今日食嘢太少，所以唔多屁。」令大家捧腹大笑。
發表愛宣言
另謝霆鋒日前為Eason個唱做完嘉賓後，前晚再偕Eric Kwok及其女友葉佩雯、楊千嬅、盧冠廷夫婦等來捧場，千嬅更上台向Eason送花，即場被Eason「屈」她唱《少女的祈禱》，Eason聽到觀眾叫千嬅做「丁太」，Eason笑說：「唔好叫丁太，叫楊小姐佢開心啲架。」當晚又有觀眾大叫徐濠縈，Eason即向愛妻發表愛的宣言：「唔好再叫佢啦，次次演唱會都叫，佢今日冇嚟，有啲嘢唔使成日講出口，我已經將佢放喺呢度（指住心口）。」
此外，昨晚個唱門外即場推出「DUO Eason 2010 演唱會珍藏幕後花絮限量版」，當中除記錄他整個演唱會的過程、心聲及排練幕後花絮，還有首場出場前一秒眼泛淚光的情景。
文：音樂組