gag神
Gag神今次又搵嚟「IQ王」古巨基出題目考考大家，基仔表示IQ題隨時袋住幾個傍身，而今次難題更成功考起鄭融和陳偉霆。今次題目就係：「醫院急症室內有三個人，有陸先生、有陳先生同埋王先生，請問邊一個先係嚟睇病嘅病人呢？」
鄭融
鄭融聽畢問題，即諗到面容扭曲，不停重複讀問題，可惜毫無頭緒，聰明助手就忍不住向鄭融放水，鄭融才答：「陳先生」，但問到陳先生是病人原因，鄭融就答不上，當Gag神解釋真正答案時，鄭融才「哦……」一聲，但她堅持答中「陳先生」便算贏了。
啤梨(葉文輝）
啤梨（葉文輝）轉數最快，想了一想便詳細說出答案及原因，還指今次題目太簡單，完全冇難度。
陳偉霆（William）
與基仔同公司的陳偉霆（William）竟不出三秒便答「陳先生」，問到原因，William的答案卻令Gag神哭笑不得，他說：「因為我姓陳，我成日病要睇醫生囉！」最後Gag神開估，William知道答案後即說：「爛Gag！」Gag神說是基仔出的題目時，William即慘叫一聲：「吓！」十分搞笑。
陳柏宇（Jason）
陳柏宇（Jason）一聽完問題即重複將問題讀完一次又一次，想了又想，一分鐘後問Gag神：「係咪綠色個綠？」Gag神當然要同佢遊下花園：「有關係咩？」Jason當堂被Gag神嚇窒，想了三十秒即突然大叫：「我知，係陳先生係病人，因為王先生同陸先生係『黃綠醫生』！」
答案：陳先生是病人，因黃先生和陸先生是醫生，正所謂「黃綠醫生」嘛！