林峯咀人妻 怕丁生監場
昨日林峯、歐陽震華（Bobby）、楊怡及馬賽等出席新劇《不速之約》的開鏡拜神儀式。林峯表示前晚與楊千嬅拍攝新片《抱抱俏佳人》有一場咀戲，問到千嬅老公丁子高可有監場？林峯稱：「我之前都有諗過最好唔好嚟監場，唔係我會好緊張，好彩最後佢都冇嚟。」林峯又笑言今次很多謝監製鄭丹瑞，因除了可以咀千嬅，更獲安排與周秀娜拍攝親吻戲。另外，由於該片片名先後出現多個版本，故電影公司今日會開記招落實片名為《抱抱俏佳人》。
Bobby否認黑面
於《不》劇飾演情侶的Bobby及楊怡，接受訪問時鬥嘴鬥個不停。Bobby說：「楊怡變咗，成日自言自語。」楊怡聞言後即反駁：「係你冇畀反應我！」有報道指楊怡拍劇時經常NG，令到Bobby黑面，Bobby沒好氣地謂：「呢啲都唔使解釋，唔會理呢啲嘢，會向前看囉！」
楊怡亦笑言：「最衰都係你（Bobby），我一向都冇呢啲新聞，一拍你就有！」她又稱只是試過停機一起講笑，再拍時未能收拾情緒引致NG。
文：影視組