朱紫嬈新碟發布父母撐場
樂壇新人朱紫嬈（Khloe）昨日於酒店為國語碟舉行發布會，身為太子珠寶鐘錶公司執行董事朱繼陶及朱鄧麗萍的女兒，除有父母撐場外，還請來TVB高層何麗全、新城高層朱明銳等出席，發布會比一般新人盛大，Khloe稱全靠碌人情卡，她說：「主要都係場地費用幾千蚊，屋企人淨係要求要有嘢食，只係出於關心，唔會參與工作問題，都係唱片公司話事多啲。」
由於父母身份關係，受到不少前輩及名人「關注」，Khloe坦言壓力大到甩頭髮，她說：「成日驚自己做得唔夠好，身邊同事都好努力，（點報答佢哋？）除咗請佢哋勁食冇乜做到，（預幾位數字？）打邊爐咋，冇鮑參翅肚。」