莊思敏：畀私隱佢哋

莊思敏：「我都唔知恭唔恭喜佢哋，又同一時間話分手！（你同吳浩康若果結婚會唔會公開？）一定講，一定公開畀大家知，因為呢個世界冇秘密，資訊太方便！」會否覺得Sa基很假及說謊？她說：「件事對佢哋都有大影響，佢哋承受嘅壓力已經比一般人大，都要選擇留番啲私隱畀自己。」

張繼聰：「以我所知阿Sa同太太（謝安琪）熟啲，會傾女仔電話同SMS，我唔知佢哋有呢件婚事，最緊要佢哋活得高興。」

周中（曾與鄭中基合作做《美女廚房》）：「聽到有關佢同蔡卓妍結婚，我唔覺得意外，不過工作時大家都唔會講呢啲話題。結婚係傳染病，嗰排多人結婚就會有呢個衝動。（鄭中基有冇請教你烹飪心得？）佢成日話自己烹飪功夫一流架啦。」

文詠珊：「替佢哋開心，呢個係兩個人嘅事，應該畀空間佢哋。（若結婚會否公開？）我未到呢個階段，答唔到。我好誠實而且年紀仲細，又未結婚，我聽好多風水師都話我唔可以早婚。」

陳啟泰：「咁就好，講咗出嚟唔使煩，曝咗光都係好事，佢哋又唔係小朋友，大家又公認咗。（覺唔覺係用分手遮掩已婚？）冇咩留意，總之開心事就恭喜佢哋。」

周中、楊思琦	Janice Man	黃宇詩、陳啟泰