親影索姐姐

日本寫真界有好多青春活潑嘅蘿莉系美少女，不過佢哋雖然嫩口又可愛，但唔係個個男人都鍾意佢哋呢種過分嘅天真，反而對姊系女優情有獨鍾。如果大家想見識到佢哋嘅姊系親切魅力，喺6月19日就有機會喇！當日由賽車女郎轉型做寫真偶像嘅殿倉惠未會喺信長書店日本橋分店舉行握手會，為其寫真DVD新作《Secret Lover》宣傳。殿倉惠未唔單止擁有一副豐滿誘人嘅身材，姊系面孔更係惹人好感。而惠未今次嘅握手會亦待人相當親切，只要買一隻碟就可以參加團體水着攝影會，如果買兩隻碟着數當然更多啦，同惠未獨處進行個人攝影，仲可以額外參加多一次團體攝影會添！