烈女呢個名詞用嚟形容敢愛敢恨嘅女性，佢哋有着令男士着迷嘅吸引力，不過絕對唔容易溝到手，故此同時令男士對佢哋又愛又恨。講到內地模特兒界嘅烈女，艾栗栗肯定係其中一分子。
嚟自北京嘅艾栗栗，今年19歲，雖然年紀輕輕，但已經擁有令每位男士為之心動嘅火辣身材。不過佢迷人之處唔單止係外表，敢愛敢露嘅性格更係吸引。佢拍寫真一啲都唔吝嗇天賦本錢，經常作超大膽嘅演出，有幾大膽？雙手遮掩雙峰只係濕濕碎，更全裸露背畀你睇，加埋極具挑逗嘅甫士，簡直係挑戰男人嘅心跳極限，攞你命三千！
阿妹嘅言論一樣咁大膽，佢喺微博經常寫啲露骨嘅說話，睇到人蠢蠢欲動，佢唔會因為顧及自己嘅女神形象而收斂。可能有人會話如此豪放嘅表現，會唔會嚇怕粉絲呢？事實上，阿妹因為呢種敢作敢言嘅性格而吸納一班忠實粉絲支持，當然伴隨而嚟嘅總會有人睇佢唔順眼，但係佢一啲都唔在乎，繼續想講乜就講乜，懶理其他人點睇佢，有個性！
阿妹個性率直，有嗰句講嗰句，卻因此而得罪好友，好似佢曾經喺微博自稱靚到唔使點樣美容，唔似啲人要晚晚護膚，結果得罪咗一位相識多年嘅好姊妹。對於呢件事，佢感到相當後悔，但亦無可奈何。而因為工作經驗多咗，閱歷又多咗，佢學懂從人哋嘅角度嚟思考，尤其喺工作上，少咗同人爭拗而多咗理解。阿妹表示自己成熟咗，而令佢變得圓滑嘅原因，係希望大家能夠喺愉快嘅氣氛下工作。
現時以重慶作為工作根據地嘅佢，除咗喺寫真界有着非一般嘅人氣外，鍾愛攝影嘅佢亦經常以攝影師嘅身份工作。唔知係咪佢畀人影得多，經驗多咗後，家陣到自己執起相機時會分外得心應手。雖然唔知道佢幾時會推出個人攝影展，但可以肯定嘅係從事攝影工作後，佢喺待人處事變得更加貼心。
簡介：個性鮮明嘅寫真模特兒，喺現今內地寫真界並唔多見，難怪艾栗栗咁受歡迎，微博有接近15萬名粉絲。至於佢喺鏡頭後嘅生活係點呢？平日最愛做乜嘢呢？呢啲問題等大家去佢嘅微博搵答案。
網址：http://www.weibo.com/u/5048535196?is_hot=1
撰文：魂