雖然運動對阿Sa嚟講係生命一部分，但佢就話最緊要都係着得靚靚咁去做：「試諗吓如果着住件底衫去做運動，畀朋友見到你話幾尷尬呢？所以揀件靚靚嘅運動衫係好緊要！自己一向着衫都愛色彩鮮艷，運動衫當然都唔例外，況且着得鮮艷啲、人都醒神啲；又可以方便作唔同程度嘅mix & match。依家新出運動衫都有好多顏色揀，畀女生可以配搭出千變萬化嘅迷人形象，增加運動時樂趣。最近搶眼嘅黃色同埋亮麗紅都好時興，又可襯番日常便服，等生活同運動互相融合。」
