模影模蹤：身兼多職 徐冬冬

讀心理學

嚟自哈爾濱嘅徐冬冬，真係一個超級大忙人，出道三年間，先後拍咗十多套影視作品，推出咗一張個人EP大碟，拍攝多個平面廣告，仲有拍MV，以及擔任產品代言人，但最厲害嘅係佢竟然可以百忙之中抽到時間讀書，最近冬冬就以優異成績考入北京師範大學，修讀心理學碩士課程，所以冬冬除咗係藝人，仲係一位學生。雖然阿妹身兼多職又要讀書，相當辛苦，但係並冇影響到佢嘅工作表現，每一個Job都會全力以赴，做到最好，值得一讚。

動靜皆宜

至於咁多科目點解又會揀心理學呢？冬冬冇正面解釋，但相信同佢想提高演技有關，因為提倡方法演技嘅俄國戲劇大師史坦尼斯拉夫斯基認為，演員對心理學有基礎認識，想像出演繹角色嘅心理狀況，就能夠演活角色。講起冬冬嘅演出，咪以為佢外表斯斯文文，多數扮演小家碧玉角色，佢曾飾演過女警，有好多動作場面都表現得身手敏捷o架！至於內在實力，大家更不容忽視，身高有168cm嘅冬冬，上圍有35E，真係露少少已經令人透不過氣，而且佢拍攝寫真一啲都唔錫身，經常以超性感演出，噴血指數相當高，唔少網友都被佢俘虜。另外，有好消息，就係冬冬將會嚟香港發展，巴打們密切留意啦！

專屬網站

簡介：徐冬冬有多個專屬網，但大部分放好少相上去，目前呢個網嘅存相量最多，而且唔少仲係噴血寫真，小心睇到流鼻血呀！

網址：http://lifestyle.aili.com/ydalcp/ents/xudongdong/

徐冬冬Profile

出生地：哈爾濱

三圍：35E-23-36

身高：168cm

興趣：唱歌、演戲

撰文：龍四海