日本嘅AV公司多如繁星，而且各具特色，有時新出道嘅女優，唔一定入到大公司，就可以大紅大紫，好似人氣女優椎名由奈，佢喺初出道嘅公司，一直未能好好受到栽培，人氣只屬一般，但自從轉會後，半年間就一躍成為新公司嘅一姐。
撰文：小德
椎名由奈未入行之前，原來係外攝模特兒，經常係攝影會嘅性感偶像，又難怪嘅，椎名外形出眾，身材高挑，着泳衣出嚟已經可以令人噴血，後嚟畀經理人游說成功，簽約大公司Max-a，推出佢嘅AV作品，當時宣傳都幾強㗎！話椎名係AV界前輩天后美竹涼子同埋愛田由嘅化身，但碟迷覺得椎名嘅樣子同床上作風，都同兩位天后一啲都唔似，於是批評佢哋老作，令椎名一出道就蒙上污點。
而Max-a出晒名多青春玉女，雖然椎名報稱自己23歲，但佢個外形又真係成熟咗少少，於是成為碟迷狠批對象，而且有碟迷更批評佢嘅叫床聲鼻音太重，令人聽得唔夠興奮，最後就係椎名有個小動作，同男優一開戰時，眉心就會皺埋一舊。
以上種種，都令椎名難以發展，就算Max-a喺第三張碟開始將佢轉型為戰鬥型女優，但已經為時已晚，出埋第五張碟，椎名無奈要離開舊公司。期間佢都曾經掙扎，繼唔繼續做女優落去呢？好彩經理人公司幫佢搵到新公司Premium，椎名最後決定改投新公司，呢間公司出名包裝啲成熟型女優，利用燈光、氣氛、鏡頭等打造囡囡成為風情萬種嘅深閨怨婦。
加上新公司嘅顧客群夠大，全都喜歡成熟靚女，外形比較成熟嘅椎名，絕對係開正佢條路，而且公司一姐夜月光也，剛巧第二度引退，喺群龍無首底下，椎名火速上位，成為公司嘅一姐，所以話要成功除咗自己努力，有時都要公司同時勢配合嘅！