早幾日約咗幾個老友去中環飲嘢，路經蘭桂坊一號門外時，發現人山人海，難道又有節目？走近去八卦吓，果然不出所料，原來當日正是「蘭桂坊嘉年華2009」嘅開幕典禮，聽工作人員所講，於嘉年華入面，除咗巡遊、街頭表演等活動，主舉單位仲特別製作咗一座巨型標誌，稍後更會申請列入健力士世界紀錄添！
據了解，呢座「世界最大的安全套馬賽克」，原來係活動嘅另一焦點，由「關懷愛滋」與安全套品牌合力製成，採用數百個安全套拼製成一個巨型「關懷愛滋」絲帶行動標誌，目的係為咗喚起各界人士對愛滋病嘅關注，而主辦單位更將延續去年嘅「關懷愛滋」愛心大行動，為該慈善機構籌募善款，相當有意思㗎！
撰文：娟娟