政情：公民講場：宿舍計劃太龜速 青年等到變中年

為紓緩年輕人嘅居住問題，多年前政府曾提出「青年宿舍計劃」，透過資助非政府機構興建宿舍，為18至30歲在職青年提供短期住宿。不過計劃推出至今將近10年，原定嘅7個項目都只係得一個落成，另外兩個項目如果順利得到立法會審批撥款嘅話，都要3年後先至完工。正所謂人生有幾多個10年，計劃嘅進度咁緩慢，等到所有項目都完成，今日嘅年輕人都恐怕韶華不再，民政事務局局長徐英偉唔該檢討吓喇，年輕人嘅光陰係好寶貴o架。