中環出更：晒3人歎咖啡相 黃錦星公然違禁聚令？

黃錦星尋日喺社交網站上載相片，以「傑龍祖堯、新舊交替」為題，見到佢同中文大學前校長沈祖堯及稻苗學會會長黃傑龍，喺餐廳歎咖啡喎。黃錦星都「戴番頭盔」，講明係兩個月前嘅相片，當時聚餐係為咗商討環境運動委員會（環運會）嘅事宜。

政府尋日公布委任新一屆環運會成員，黃傑龍將接替沈祖堯出任主席一職，而沈將喺明年3月去新加坡南洋理工大學，擔任醫學院院長兼高級副校長，黃錦星感謝沈嘅貢獻，尤其喺疫情期間，推動抗疫時不忘環保；同時期望黃傑龍可以領導環運會，喺社會繼續宣傳環境保護訊息。

佳節祝願「宜散不宜聚」

另外，黃錦星喺貼文中又話期望垃圾徵費條例草案可以早日獲立法會通過，相信有助減廢回收，而且有利綠色經濟。最後，黃祝大家今個聖誕，健康平安，「宜散不宜聚」、「綠綠無窮」。

卓妮