獲獎過後迷失自我 胡晉銘化詛咒成祝福

2018/19年度可謂胡晉銘的「收成期」，他先在2018年8月征戰亞運會成功殺入16強，翌年1月以隊長身份帶領港隊出戰「省港盃」蟬聯冠軍，季尾榮膺「最佳青年球員」，他便帶着這些榮譽，由香港飛馬轉投東方龍獅。

轉投東方龍獅遇激烈競爭

「當初係Peter哥（時任總監梁守志）同牛丸（時任主帥陳婉婷）邀請我去東方，但落實無耐佢哋就相繼離任……」他用「前朝遺臣」來形容自己，皆因及後主教練李志堅帶兵入主，令「晉銘」和一眾原有班底面臨更加激烈的競爭。「原本都預咗要同『嘉緯』、『傻邦』同劉浩霖佢哋爭，但估唔到仲有更多競爭對手。」「晉銘」上季在東方僅錄得6次上陣機會，間中甚至要淪為預備組專員，不過更令他耿耿於懷的，其實是家裏那個獎座，「嗰陣攞完『最佳青年球員』，接住一季就經歷呢啲嘢，有種限制住自己嘅感覺，好想證明畀人睇，自己攞獎係實至名歸。」

感到婉惜的除了他自己，還有對「晉銘」萬般寵愛的香港球迷，上季季中開始，在網絡上不乏要求「釋放胡晉銘」的呼聲，更有人直指他轉投東方是錯誤決定。本以為「晉銘」亦有相同想法，但他的答案竟出乎意料：「始終隊友嘅能力同狀態比自己優勝，訓練上都睇得出個差距，所以我一路靜待機會，但機會嚟嘅時候又冇好好把握……。」他所指的機會，正是上季季初「菁英盃」對標準流浪一仗正選上陣，卻在半場便被換下來，他直言自己是役表現差勁，就連絕無僅有的機會也失諸交臂。

從梁振邦身上學做稱職防中

迷失讓「晉銘」認清自己不足，「攞獎嗰屆都覺得自己處於樽頸位，成季表現有少少唔滿意，但係上季就更加凸顯咗點解停滯不前。」每逢比賽日，未有被列入18人名單的他善用周末加操，特別針對體能和長傳等弱點，期間在前輩梁振邦身上，了解到一位稱職防守中場應有的特質，他說：「喺佢身上見識到另一個層次嘅足球，我同佢嘅差別除咗技術外，喺冇波在腳時，有好多嘢可以喺佢度吸收到。」