政情：公民講場：口講透明 數據密冚 衞生署欺瞞市民

政府向來都自詡「公開透明」，但現實就係另一回事。上個月衞生署將青衣華逸酒店列為「等候檢測結果中心」，予機場抵港嘅入境人士等候深喉唾液樣本檢測結果之用。儘管毗鄰該酒店嘅屋苑居民曾提出憂慮，然而衞生署不但無視訴求，日前更要求該酒店停止向屋苑管業處提供每日入住人數嘅資料，唔少街坊都認為此舉係剝奪公眾知情權。既然署方唔想資訊傳出，屋苑管業處咪自行以目測方式去估計每日出入酒店嘅人數囉！衞生署署長陳漢儀不如坦誠公布仲好啦，市民係唔甘願蒙在鼓裏（口架）！