on.cc東網直播B組4雄會師

冠忠南區東方龍獅強強對決

冠忠南區首戰新升班的晉峰一度落後，幸下半場變陣收到奇效，最後時刻逆轉戰局。上任後首嘗勝利滋味的主教練列文，直認戰果能振奮士氣。今仗遇上實力更強的東方，他表示要迎難而上：「球場上咩事都可能發生，好似冇人估到愉園會贏到東方龍獅。我同球員講，最緊要係自己交出好表現。」

冠忠南區今場除夏志明刑滿復出，葡萄牙新援柏度完成隔離後已參與多課操練，有望披甲注入進攻新動力。同樣值得期待的還有小將鄭進泓，「沙維」上屆首次踢「菁英盃」就經歷決賽的洗禮，這位19歲中場表示：「我覺得（決賽）係一個好好嘅經驗，希望可以帶落今屆『菁英盃』，令自己再踢好啲。」

東方龍獅Ｕ22 王力威	愉園隊長 盧斯安奴	晉峰中堅 卡爾特納

堅Sir趁機觀察小將

東方龍獅上仗擺脫首戰落敗的陰霾，以5球輕取港超新軍晉峰。除狀態火熱的艾華頓外，東方龍獅變陣亦有不俗效果，教練團功不可沒。球隊總監兼主教練李志堅表示要嘗試不同部署，尤其希望透過比賽了解年輕球員的情況：「復賽後唔係好多時間去演練，我哋都要睇番第一場波嘅效果，跟住再去加強同改善。」今日面對上屆亞軍冠忠南區，李志堅叮囑眾將要做好自己，避免不必要犯錯。

上仗小將王力威（Naveed）「起孖」表現醒神，踏入職業生涯第3年終於「開齋」，他直言過程絕不容易：「今年我嘅自信心不斷增強，踢法更簡潔，練波時表現都愈嚟愈好。」東方龍獅賽前亦宣布提拔曾外流葡萄牙學法的小將馬希偉至一隊，令Ｕ22適齡球員調動上有更大空間。

愉園晉峰青春班鬥晒冷

今日「菁英盃」尾場兩支「青春班」愉園和晉峰正面對決。愉園首仗補時階段連入兩球，爆冷擊敗東方龍獅，士氣大振；相反晉峰上場慘吞5蛋，仍未能敲響勝鼓，惟今仗有主力茹子楠及鄭璟昊復出，誓在愉園身上搶分而回。

愉園主教練鮑家耀賽前坦言球隊有參與上季復賽，兼擁有超聯經驗，理應佔優，惟上年曾於友賽不敵晉峰，「鮑Sir」提醒球員切勿輕敵：「預料晉峰會打穩守突擊，所以進攻上要表現更好，包括埋門選擇同把握力。」

上場對東方貢獻2個助攻的小將潘沛軒，直言是生涯最難忘一仗：「最後能反敗為勝非常興奮，由細到大踢波，第一次有呢種感覺！」今場兩隊均有很多年輕球員，「潘沛」認為雙方爭勝心不相伯仲，希望能踢出教練部署，全力爭勝。

9日3賽晉峰現傷患潮

晉峰今仗是9日內第3場比賽，陣中球員明顯未適應密集賽程，導致出現傷患潮，總教練何信賢亦感無奈：「至少三分之一球員都有受傷，包括林富貴手部骨折，同埋好多球員都拉親大髀後肌。」不過「何Sir」認為球員經過2場菁英盃賽事，已累積一定經驗，加上與愉園實力較接近，期望球員全力以赴，以便加深了解與港超球隊的差距。晉峰上場面對勁旅東方，射門次數寥寥可數。主教練艾斯達維認為球隊前線起用大量年輕球員，惟他們經驗不足，難以應付對方一眾有經驗後防，希望今仗前場盡量保持控球，以及踢得更加進取。