中環出更：妄評黎智英被捕 彭定康被斥政治小丑
壹傳媒黎智英涉嫌違反《港區國安法》於日前被捕，且有二百多名警員到壹傳媒大樓搜證。末代港督彭定康批評警方嘅行動嚴重損害香港言論自由同法治，反映中國政府試圖將香港變成一如內地的「警察城市」，又籲國際社會將事件提上國際法庭。本港學者批評彭定康以「過氣港督」身份對香港問題說三道四，猶如政治小丑，兼持雙重標準干預香港事務。
彭定康認為，港警嘅行動摧毀香港作為亞洲自由社會同繁榮金融中心嘅地位，國際社會應喺聯合國嘅層面替港人發聲，並就中國政府違反《中英聯合聲明》列明「一國兩制」，向位於荷蘭海牙嘅國際法院作出行動。
學者轟顛倒是非雙重標準
香港理工大學專業及持續教育學院講師陳偉強不同意彭定康嘅言論，批評對方說三道四、顛倒是非同帶有雙重標準，陳舉例指，數年前，英國曾經有媒體進行電話竊聽，當地警方亦有進行搜證、執法同檢控涉事媒體。陳認為警方拘捕黎智英是針對黎涉嫌勾結外國勢力，危害國家安全，以及提供金錢援助，以支援「我要攬炒」團隊嘅運作，同影響新聞自由無關。
陳偉強又指，作為「過氣港督」嘅彭定康經常抱着強烈嘅「反中」意識形態，認為中央「做乜都錯」，批評對方透過國際層面向特區政府施壓係唔合理，又認為國際社會根本毋須向國際法院投訴，因法院每年都有唔少仲裁案須排期審理，若投訴只會浪費時間同金錢。
卓妮