政情：多項設施解封 立會申訴處下周重開
隨住政府前日宣布，公務員將喺五月四日、即下星期一起陸續恢復正常返工，加上新冠肺炎疫情連續多日零確診，立法會秘書處尋日都因應疫情嘅最新發展，喺下周一調整服務安排啦！
天橋照舊朝七晚八開放
新安排包括天橋入口重開，但開放時間都係朝七晚八，或者當日最後一個會議結束後三十分鐘，並以時間較晚者為準。另外，公共申訴辦事處、圖書館和檔案館都重新開放。而秘書處職員亦將會回復正常上班，但秘書處會實施彈性上班同午膳時間，以保持社交距離。
其實天橋入口之前都曾經開放過一段時間，但當時因為疫情反覆，而確診數字亦大幅飆升，所以又閂番，以便監測出入人士嘅身體狀況。