環境局話要喺十八區搞綠在區區，點知事隔六年，仲有半數項目未搞掂。點解？環保署解畫，原因係物色地點有困難，其中一個理由係受到地區人士反對，唔通局長黃錦星冇牙力？老實講，政府早幾年話冇地起樓，要起插針樓，都受到區內人士大力反對，大鬧政府「盲搶地」同無諮詢，要加強地區環保訊息冇咁迫切性就更難，咁多阻滯，睇嚟都係黃錦星同地區人士溝通不足，想做就唔該佢落力啲推銷喇！
