好多男士都認為，要成為人氣四仔脫星，必須要有3個條件：嫩口、索樣同身材火辣。不過對於近期喺美國四仔界人氣爆燈嘅脫星Susy Gala嚟講，年輕並唔係成功嘅重點，依家一齊睇吓佢憑咩上位喇！
美國作為西方四仔產業嘅核心地方，吸引唔少歐洲、南美洲嘅索女空降入侵，而喺西班牙巴塞隆拿出生嘅Susy Gala就係其中之一。佢早喺2011年以18歲之齡到美國發展，身高5呎8吋夠晒高挑，擁有一對修長美腿，加埋樣貌美艷及36D巨乳，外形真係冇得彈。按道理應該好快搵到經理人公司，為佢打開四仔事業之門，點知足足等咗6個月，先至推出首套AV作品，就係由Evil Angel製作嘅《Follow Me #2》。片中佢壓軸出場大戰猛男，明艷動人嘅造型，令人眼前一亮，而最令四仔迷印象深刻嘅地方，就係佢全程以西班牙語講對白。
呢個亦解釋到佢初到美國時，主動向多間經理人公司自薦，仍然冇辦法出道嘅原因，就係因為佢完全唔識英文，後來終於獲得經理人公司簽約，不過就勒令佢要喺半年內學識英文。但究竟佢有冇努力學習？呢層從佢嘅處女作以西班牙語講對白嘅表現就知道。
雖然係咁，但話晒佢外形超正，床戰效果相當吸睛，所以之後片廠每次搵佢演出都係擔當Hardcore角色，全程零對白，讓觀眾集中欣賞佢嘅床技。不過呢個做法卻慢慢引伸出另一個問題，就係好難令四仔迷對佢留下深刻印象，亦因為咁出道6年，四仔事業發展一般。及後，佢為咗搵多啲錢，便踩入裸模界，由於拍寫真唔使講對白，結果憑住超索外形而爆紅，亦令更多人認識佢，從而令佢嘅四仔舊作銷量上升。
本來已經半隻腳離開四仔界嘅佢，呢個時候吸引到多間四仔片廠嘅注意，如Brazzers、Wicked Pictures等大廠都紛紛邀請佢演出。雖然當時佢已經成熟咗唔少，但卻別有一番熟女魅力，人氣爆升加上作品銷量佳績，令佢喺2019年XBIZ四仔頒獎禮獲得「最佳歐洲脫星」殊榮，同時喺AVN頒獎禮獲得「最佳外籍脫星」及「最佳男女性愛演出」兩個獎項，現今成為西班牙最為人熟悉嘅脫星。事業從谷底到頂峰，Susy Gala嘅故事真係可以拎嚟拍戲呀！
Susy Gala個Twitter封面當中真係有玄機，事關佢貼咗自己喺2012年拍攝嘅首輯寫真相，再加埋現時熟女嘅近照。雖然就咁睇，梗係後生樣索啲，但大家又點估得到，佢憑住成熟魅力令人氣大爆發，所以話事業運呢樣嘢真係冇得估計o架！
網址：https://twitter.com/susygofficial
出生日期：1993年11月11日
身高：175cm
三圍：36D-25-35
撰文：魂