政情：港自毀長城？ 劉偉聰甘文鋒激辯
反修例示威仍然未平息，再加上依家受新冠肺炎疫情影響，好多人都覺得香港大不如前。有人曾經話過香港人可能會自毀長城，但係乜嘢係「長城」？大家都有唔同嘅見解。身為大律師嘅深水埗區議員劉偉聰同埋香港青年時事評論員協會會董甘文鋒尋日喺電視節目中就住呢個論題激辯。
甘認為兩地要互信融合
兩人對「長城」嘅定義一開始就好唔同。劉偉聰認為「長城」係暴政勞疫人民嘅象徵，所以香港人應該要摧毀「長城」。之不過，甘文鋒就覺得「長城」代表保衞領土，引伸到香港情況就係保衞一國兩制嘅工具，兩地之間要互相信任同融合。
劉反而覺得一國兩制建基於互相嘅尊重同制約，佢話樂隊Beyond嘅歌曲《長城》一早已經講咗乜嘢係「長城」，仲問甘係咪太後生未聽過首歌。甘就話雖然佢哋年紀有一定差距，但點都有聽過嘅。兩人拗到難分難解，評判都要啲時間先分到勝負呀！