好多時男人都會將美女跟美食相提並論，於是會以「秀色可餐」嚟形容靚女，甚至以櫻桃、蜜桃等食物嚟表現女性不同部位嘅美態。今次介紹嘅水着女優井口綾子，樣子甜美之餘，仲擁有一身又白又彈嘅胴體，令好多男士都「食」欲大增！
正如上文所講，見到靚女總會令人聯想起美食，於是有所謂蜜桃臀、西瓜奶等說法，但如果用食物嚟形容整副身材又有冇例子呢？當然有啦！日本寫真界嘅人氣女優井口綾子，就擁有一副「莫薩里拉胴體」！現年23歲嘅綾子，青春逼人，笑起嚟充滿陽光氣息，令人有如沐春風嘅感覺。除此之外，阿妹嘅身材非常火辣，曲線誘人不在話下，肌膚仲好鬼白嫩，睇落好有彈性，相當健康，絕對可跟莫薩里拉芝士媲美。
井口綾子喺2017年挾住青山學院大學校花之名，參加選美活動「Miss青山大學超級美女大獎2017」，雖然輸咗畀今田美櫻，屈居亞軍，但就成功殺入寫真界同藝能界，氣勢同發展速度有過之而無不及。講番呢次比賽，綾子一度被人質疑用假帳戶投訴賽果，惹來唔少人批評，甚至有人起佢底，翻出好多舊相話綾子整過容……
最近，綾子再次「中招」！事緣佢喺一個電視節目中爆料，話屋企床鋪唔夠，家陣依然同哥哥一齊瞓，原本係想表達兄妹關係好好，但由於綾子出道以來搵唔少錢，邊度需要繼續同屋企人住，所以又畀人話佢吹水，兼且用呢啲說話製造話題喎！不過，阿妹似乎對於一切負評都好少理，繼續專心做好自己，難怪人氣一直高企。
貴為日本水着偶像，井口綾子搞作多多，既參演電視節目，又喺電台做主持，想知道綾子近期有咩演出，就要睇實佢喺社交網發表嘅消息。
網址：https://twitter.com/inokuchi_1st
年齡：23歲
身高：5呎3吋
三圍：34-23-34
撰文：賢