- on.cc 東網主頁
- 4月15日 (二)
香港人口老化問題嚴重，唔少長者輪唔到安老院舍宿位就往生極樂。根據社會福利署嘅最新數字，現時輪候政府津助或合約安老院舍嘅平均時間長達四十一個月，足足三年有多！而舊年就有成七千零四十一人喺輪候期間逝世。恐怕長者要「安享晚年」都只不過係一場夢呀！
社署尋日嘅書面回覆指，上年度新申請資助護理安老宿位同資助護養院宿位嘅長者人數總共係一萬五千一百一十人，但上年度獲編配宿位嘅名額只得三萬三千零二十四個。
現時輪候人數高達三萬三千八百人，平均要等四十一個月，名額唔夠分、仲要有排等！
唔少長者未等到安老院舍就身故，上年就有七千零四十一人喺輪候期間逝世，數字創二○一五年來新高。有議員質疑疫情蔓延，社署有乜嘢辦法唔好耽誤長者「排隊」呢？社署就只係話，會因應相關轉介辦事處嘅實際運作情況，同申請人嘅情況彈性處理長期護理服務嘅申請。咁官腔嘅回答，又未有實際行動，唔知有幾多長者能夠喺有生之年等到院舍宿位呢？
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
