政情：公民講場：邀港鐵起東涌延線 陳帆急住倒錢落海？

尋日運輸及房屋局向立法會提交嘅文件提到，將邀請港鐵就東涌線延線展開規劃同設計，所涉費用至少一百八十億元。之不過，近年由港鐵負責嘅鐵路項目，都出現超支同延誤，好似屢爆醜聞嘅沙中線咁，依家要向立法會申請追加撥款一百億元。運輸及房屋局局長陳帆係咪都要𥄫實工程開支，以免數以百億嘅公帑倒落無底深潭。