政情：仆倒倫敦街 傳鄭若驊已低調返港

律政司拒披露詳情

我哋尋日向律政司查詢有關鄭若驊係咪已經返港、係咪已恢復上班抑或係仍在放病假，以及幾時會復工等問題，律政司回覆指司長早前喺倫敦被推跌受傷，接受手術後現時正放病假，期間司長仍然繼續處理公務，但有部分工作，由於司長尚未完全康復因而唔能夠處理，例如出席活動等，仲話若有進一步消息，司長會適時公布。但並冇講到佢究竟仍然留喺英國抑或已經返港。

鄭若驊早前曾解釋受傷嘅情況，指左手腕脫骹兼骨折，需要裝上鈦板，協助穩固骨折位置，又指醫生稱其左手至少需要三個月至一年先能夠完全康復，而其手部神經有受損嘅症狀，日後可能需要做手術。