政情：公民講場：房屋供應大落後 陳帆賴無地 基層火都嚟

公營房屋供應嚴重失衡，未來五年將提供嘅新落成單位大大落後長遠房屋策略嘅目標，多名議員炮轟運輸及房屋局局長陳帆一味搵藉口、賴無地，甚至直斥「追落後永遠都追唔到！」陳帆就回應話希望議員處理建屋事宜時多啲支持政府。老實講，市區插針都插唔入，政府話會透過唔同嘅方法去覓地，但係唔知幾時先見效，輪候上公屋嘅時間愈拖愈長，唔好話議員火爆，班基層市民簡直怒火中燒呀！