政情：公民講場：公廁翻新無期 食環署闊佬懶理

審計署尋日發表新一份報告，指全港近八百間公廁當中，有兩成半即係約二百間係超過十年冇翻新過，就算係使用率高嘅，都有廿間超過十二年以上冇翻新，就算喺翻新計劃入面，逾八十間公廁工程遲遲都未完成，更離譜嘅係，有一宗個案係八年後，單單擬訂翻新工程設計就用咗七年喎！咁搞法，有計劃等如冇計劃，公廁根本翻新無期，本港公廁環境惡劣已經臭出國際，食環署署長劉利群仲翹埋雙手，拖得就拖，只會令香港臭上加醜。