正因呢個世界有樣嘢叫命運，所以即使你有天賦本錢，或者付出過幾多努力，都未必可以換嚟合理嘅回報，好似人靚波哋正嘅AV女優葉山夏菜咁，就試圖以改名轉運，睇吓能否力挽AV事業。
AV界每年都有唔少索女出道，有樣有身材當然有先天性嘅優勢，容易一出道就吸引AV迷嘅目光，而葉山夏菜正係具有天賦本錢嘅AV女優。佢自細嘅夢想係加入藝能界發展，故積極參加唔少偶像團體嘅選拔賽，可惜最終都未能成為當中一員。呢個時候佢發現由AV女優組成嘅女團「惠比壽★麝香葡萄」，當中嘅明日花綺羅同天使萌都人氣高企，於是2017年便自薦到AV事務所，憑住37E巨乳加甜美樣貌，結果成功被取錄，並成為AV大廠SOD旗下女優。
SOD大讚夏菜條件優秀，絕對係未來偶像級人選，為佢精心安排一系列宣傳活動，以藝名「菊川三葉」先推出介紹式寫真DVD，然後再推出處女作《AV Debut》，同時舉行簽名會，成功令人氣爆升，大受AV迷歡迎。
被SOD重點栽培，阿妹可謂贏在起跑線，之後推出嘅作品亦獲得不俗嘅銷量成績。但人紅是非多，負面聲音接踵而嚟，有人話佢打假波，又有人話佢嘅床上反應太過誇張，及後佢離開SOD，以專屬女優身份轉會到片廠MAX-A，並改用藝名「三葉」演出，點知三個月後佢又離開MAX-A，以自由身發展。冇咗專屬女優身份嘅光環，阿妹惟有密密演出賺取片酬。另一方面，其實屋企人一直都反對佢拍AV，不過最大件事係佢同事務所不和，結果佢宣布引退。
正當大家以為阿妹從此銷聲匿迹之際，今年6月佢突然宣布回歸，並改名「葉山夏菜」重新出發。回歸後，佢狀態大勇，E奶保持堅挺又彈手，同時改變純情形象，以癡女示人，喺床上表現得更加拚搏，帶畀AV迷耳目一新嘅感覺，唔知佢呢次改名再出發，會唔會令佢嘅事業重新出發呢？
出生地：東京
身 高：165cm
三 圍：37E-24-37
撰文：魂