政情：公民講場：網誌用字扮潮 張建宗被嘲笑

早前有網絡文章傳政府高層發生打鬥，政務司司長張建宗急急貼文澄清，被網民嘲笑「真心膠」同直斥政府「離地」，連潮文都唔識。佢尋日發表題為《機會嚟喇，飛雲！》嘅網誌，宣布設立有關職業空缺嘅資訊平台，仲有份網上月刊名為「飛雲」，仲話呢句係網絡潮語，時至今日包含咗多重意義。老實講，佢講得出呢句對白係嚟自日本動畫，但套動畫係十幾年前o架喇，早就Out晒，扮潮都露底，試問點同年輕人溝通呀？