政情：林子琼當選 領展即變臉嬲到爆粗

曾問舖位問題遭不獲回覆

正所謂有圖有真相，佢喺Fb上公開咗呢幾個月同領展嘅對話紀錄。之前領展計劃收番彩園商場巴士站三個舖位唔再續租，喺八月尾仲未參選區議員嘅林子琼想了解嗰啲舖位之後會用作乜嘢用途，領展喺個半鐘之後先至簡單回覆到一句「仲處理緊，未有資料」。林子琼即時追問係咪一定要收番嗰啲舖位，領展「藍剔」咗，但一直無回覆。

區選結果日前塵埃落定，潛咗水差唔多三個月嘅領展終於「蒲頭」，唔單止好親切咁叫佢做「子琼」同祝賀佢成為咗區議員，仲話希望大家之後可以多啲溝通添！林子琼亦回覆話有好多嘢想問，仲即刻追問舖位問題。佢仲hashtag叫大家瘋狂畀多啲意見添！睇嚟領展未來四年應該都會幾頭痕嘞！