喺示威者肆意破壞下，紅磡海底隧道封閉咗一段時間，搞到條條隧道大塞車。政務司司長張建宗尋日話同警方溝通以及進行風險評估後，決定今朝重開紅隧，但就話如果有激烈示威者再進行破壞，政府冇乜嘢可以做，只能夠譴責。話時話，咁耐以嚟，包括張建宗在內等政府高官都係口噏噏咁譴責破壞者，但未見可以止暴制亂，今次重開紅隧仲話有人再嚟破壞，政府冇乜嘢做到，咁即係叫市民自求多福啫！
