政情：梁智仁退休 倫敦過白色聖誕

憂心流感高峰期公院負擔

梁智仁自一三年尾接任醫管局主席一職，至今已有六年。佢尋日喺傳媒茶敍時話，人口老化是本港一大挑戰，愈來愈多人到急症室求診，由一四年起已感受到冬季流感高峰期對公營醫療體系既負擔。但今年嘅情況更加特別，因為喺社會氣氛緊張嘅情況下，急症室求診人數比平常多，加上交通混亂導致部分員工返唔到工，擔心公營醫療喺咁嘅情況下，結合流感高峰期會變得「更麻煩」。

回顧五十四年嘅公職生涯，佢提到自己喺前線工作時都好忙碌，又會抱怨太多制度束縛，但及後作為主席深深體會到呢啲制度係好有需要，有助前線醫生點樣做事，其實喺總部嘅行政人員每日都會諗點樣改善制度，優化公營醫療系統。佢同時寄語下任主席，當構思到好的概念時，應跟前線同事溝通，因為醫管局係龐大嘅機構，有概念係好，但實際上做唔做到係另一件事。