政情：今日你上鏡：江素惠試戴防毒面具 話採訪如置身戰場

呢幾個月嚟，反修例嘅激烈衝突冇停過，相信大家對頭盔同防毒面具一啲都唔陌生。香港台灣工商協會榮譽會長江素惠（圓圖）都係記者出身，話說早前出席一個酒會時，見到在場一位記者嘅袋內裝咗防毒面具，仲好好奇咁借咗嚟試戴添！戴過先知，驚嘆個防毒面具都幾重吓，仲話依家啲記者要隨身戴住出去採訪，穿梭喺煙霧瀰漫之間，好似殺戮戰場一樣，真係好夠勇氣。