政情：修例風波 議員質問黃錦星 「有冇落區聽民意」

議員李慧琼話依家正面對香港回歸以嚟最大危機，但市民淨係睇到警察喺前線應對，其他政府部門唔知去咗邊，質問黃錦星都係問責局長，喺過去幾個月喺預備《施政報告》外，仲做咗啲乜嘢？

解畫話有同持份者對話

佢仲話政府都講過要推動整個特區政府落區聽民意，要清楚了解依家市民對社會現況或對政府嘅批評，問黃錦星有冇全方位去收集市民意見，直言需要掌握吓，唔係就好似淨係得特首搞咗場答問會後就停咗。

黃錦星立即解釋，話喺過去幾個月有不停同相關持份者對話，喺立法會休會期間仲約見咗唔同環保團體商討環保政策，亦有同相關中學生、大學生對話添o架，仲話有加插埋當前社會嘅情況喎。