商務及經濟發展局局長邱騰華早前推出旅遊業嘅紓困措施，按旅行社接待旅客人數發放每人一百至一百二十元嘅現金資助，有立法會議員批評措施只針對出入境遊客，冇顧及專門辦本地遊嘅業界人士。咁講擺明係鬧邱騰華顧此失彼喇，而邱騰華就話正思考鼓勵本地遊嘅措施，又話「旅遊界嚴冬」對業界打擊好大，但政府只能調動有限資源應對。既諗唔到點幫，又話冇資源，唔通由得本地遊自生自滅？
