政情：英下議院議長權力不受約束 葉建源：可借鑑勿借用

兩地制度不同 英少數派有影響力

小組委員會主席葉建源就解釋，報告當中提到英國嘅做法，香港可以「借鑑」，但唔可以「借用」，因為兩地議會制度有不同，例如英國嘅委員會喺主席人選方面，各黨派之間會預先分配好名額，就算係少數派，開會時都有一定影響力，並唔會好似香港咁「人多蝦人少」。

對於行為失當問題，葉建源話議員固然需要自律，但最大嘅問題喺主席身上，香港立法會主席好多時會偏私，而且認受性低喎。講真嗰句，立法會依家成日有咁多混亂情況，唔知點樣處理才算唔偏私嘞！