政情：財會大懶蟲 吳永嘉出席率包尾

至於立法會大會及特首答問大會方面，由於立法會秘書處唔會記錄議員出席會議時間，只係記錄有否出席，所以出席率普遍唔算太低，「包尾」嘅醫學界議員陳沛然（Pierre）出席率都有百分之八十八；立法會內務委員會方面，出席率最低嘅兩位議員係石禮謙同何君堯，只有百分之六十九。

Jimmy解釋，因周三同周四都要出席大會，所以通常召開財委會同內委會嘅周五會用嚟處理公司事務同與業界會面，會研究吓點樣改善財委會同內委會嘅出席率喎。

陳沛然睇症冇開會

本身係醫生嘅Pierre就話星期三通常要返門診睇症，下晝先返立法會開大會，因開頭唔知周三嘅特首答問大會係當獨立一次會議計算出席率，以為下晝返立法會開會就得，形容係「最傷」。佢兩個月前發現咗之後，已喺有答問大會嘅時候調動工作安排，知道「要承擔呢件事」，會改善同處理咁話。