政情：陳志全蒙面開會 被誤會扮病

不時除低口罩 好似呼吸困難

喺近期嘅示威當中，有唔少示威者佩戴黑色口罩示人，搞到佩戴黑色口罩好似變咗搞事分子一樣。而慢必尋日亦戴咗個黑色口罩開會，結果畀建制派批評為咗攞選票都唔使咁做，因為見慢必不時要除低口罩，好似有呼吸困難咁，而且出席得立法會會議就知你係慢必喇，戴個口罩都唔知做乜喎。

慢必就反駁，話自己係患病，於是對方就道歉講對唔住。但係慢必仍然嬲爆爆，反問使唔使畀篤痰同鼻涕佢拎去驗囉，又大鬧有冇搞錯，連咁簡單嘅事都去質疑都有喎。