政情：反被寸成日瞓覺 黃定光轟泛民唔開會

話說尋日財務委員會召開特別會議，多名泛民議員不滿加開會議嘅決定，搞到議員黃定光（象哥）反擊，話尋日無安排其他會議舉行，所以把握空檔安排特別會議都係一般程序，而且立法會議員受薪就應該開會，加上會議要選舉主席係重要工作，涉民生撥款喎。

每到投票一刻就會醒

不過，有民主派議員就隨即反擊，話每名議員受薪係正確，但象哥口中話出糧就要開會就有啲搞笑，因為象哥成日瞓覺囉，之不過每到投票嗰一刻就會醒，暗示象哥係投票機器。