以前話女人三十爛茶渣，但係家陣好多囡囡年過三十，甚至係四十歲依然魅力驚人，而喺充滿青春少艾嘅日本寫真界，一樣有好多艷麗迷人嘅三十之輩，古川真奈美就係其中一位喇！
近期日本寫真界傳來好消息，就係一代寫真天后今野杏南將會以三十歲之齡回歸，為大家再次露出火辣胴體。雖然暫時未有寫真推出，但係如果大家想欣賞韻味十足，且身材火辣嘅女優寫真，古川真奈美絕對係一個明智選擇！
現年32歲嘅古川真奈美，雖然樣貌比初出道時成熟咗少少，但係完全掩蓋唔到本身嘅青春氣息，笑起嚟更猶如少女咁可愛，令人精神一振，所有煩惱都一掃而空。身材方面，屬於薄身大波型，胴體纖巧且肉地鮮嫩，對F奶飽滿而軟彈適中，加埋5呎4吋身高令呢副身材顯得高挑且凹凸有致，從邊個角度欣賞都咁吸引！
古川真奈美喺21歲嘅時候加入藝能界，以演員以及模特兒身份演出，後來成為女子組合「BA5」成員。喺呢段日子，真奈美唔單止有好多登台機會，仲初嘗作詞嘅滋味。及後佢嘅工作範疇愈來愈廣泛，除咗做賽車女郎，亦擔任拳擊賽事嘅舉牌女郎，當然亦唔少得拍攝水着寫真啦！
真奈美百足咁多爪，而最令人佩服嘅係佢努力工作自力更生嘅個性，點解咁講？喺一次訪問當中，佢透露父親係經營一間頗具規模嘅食店，曾經試過拎咗一億日圓去豪賭，所以家境相當富裕，阿妹出身大貴之家仲依然咁勤力搵食，你話係咪抵讚先？雖然真奈美已年屆32歲，但係活躍度比以前更高，密密拍寫真大放艷光之外，更做埋YouTuber，曝光率相當高。
簡介：古川真奈美百足咁多爪，想了解佢最新嘅活動情報，就要睇實佢嘅社交網，同時亦可以睇到好多性感寫真，大飽眼福！
網址：https://twitter.com/mana_0619?lang=ja
年齡：32歲
身高：5呎4吋
三圍：34F-24-35
撰文：賢