政情：收料站：立會大灣區考察 唔畀泛民做團長

有民主派議員就話，依家除咗經濟事務委員會係由身兼行政會議成員嘅建制派議員林健鋒任主席外，財經事務委員會、工商事務委員會、同資訊科技及廣播事務委員會就分別由專業議政會計界議員梁繼昌、民主黨議員胡志偉及專業議政資訊科技界議員莫乃光任主席，三人都係民主派議員。

指涉中港關係 應由政委會牽頭

有人就認為，到大灣區考察少不免要同內地官員接頭，所以冇理由畀民主派議員做團長，又話其實大灣區計劃涉香港同內地關係，所以應由政制事務委員會牽頭，再邀請其他委員會成員參加，而團長一職就可順理成章由本身為立法會建制派「班長」、政制事務委員會主席廖長江出任。其實屬傳統溫和泛民嘅梁繼昌、胡志偉、莫乃光一向都冇乜過激行為，反而畀民主派做團長，話唔定可以有意想不到嘅收穫添。