政情：立會前廳還原 李國麟：同以前一樣

睇番當日前廳被破壞嘅相，當時前廳嘅牆身被人寫上「官逼民反」等字句，內裏嘅設施被打爛同滿地垃圾，對比李國麟影嘅相，復修後嘅前廳，牆上嘅字句唔見咗，傢俬嘅擺放非常齊整，銅鑼亦完整無缺，好似冇被破壞過咁。

李國麟話大樓自七一衝擊過後，好多地方都封晒，冇機會睇到損毀情況係點，尋日入番去前廳，發覺復修咗之後同以前一模一樣，冇多冇少，依舊有花、枱、櫈同茶水喺度，同埋有啲掛畫喺牆上面，佢話前廳呢個地方對記者嚟講係好神秘，但係議員因為成日用，所以都好熟悉。

感覺似放完暑假返去開會

被問到入番前廳有乜嘢感覺？佢形容重返前廳就好似放完暑假咁，返去開會，睇報紙同飲吓咖啡，同以往一樣，冇乜點變過。