政情：香港民意研究所 吊鹽水再度預告減產

每次講完都順利過渡

研究所主席及行政總裁鍾庭耀前日公布最新一份民調報告，同時就交代定期籌款方式仲未夠數。佢話之前講過十月或要調整定期調查，喺未夠數下決定從成立經費中撥備三個月經費約四十八萬元。

佢又講到，今次係繼成立時撥出四十八萬元作定期調查後再次撥備基金，前後已經撥出接近一百萬元，預計可以支撐定期調查去到年底，但經費就因而欠六十二萬元。

希望年底籌到足夠金額，先再決定明年可以延續工作定減產。其實鍾庭耀並非首次預告要減產，但每次講完都能夠順利過渡，睇嚟佢都習慣打告急牌。