政情：香園圍搞馬拉松 陳月明帶仔女出賽

香園圍公路便捷咗沙頭角、打鼓嶺一帶偏遠地區嘅居民，未來會連接蓮塘口岸通關，所以目前車流量唔高，間唔中會舉辦單車賽、馬拉松賽事，好似今個月尾又有一場馬拉松上演，陳月明就話到時會連同三個仔女一齊出賽。

參加單車賽 踩到終點唔願停

佢話呢條路沿途好多村屋，再加埋綠油油嘅植物，跑時直頭似去咗外國一樣，所以之前參加呢條路線嘅單車賽，佢就踩到終點都唔願停低。而另一個原因，就係要把握口岸通關前嘅機會，因為到時公路會繁忙，唔會再有機會踏足呢條公路跑步同踩單車嘞！