絕大部分人喺小時候，都會被問及大個咗有乜嘢夢想，而喺早前先加入日本AV界嘅石原夢月亦同樣有個夢想。正正因為呢個夢想，佢毅然進軍AV界，之但係乜嘢原因會驅使佢做呢個決定呢？
成為AV女優話易唔易，話難亦唔難。易嘅地方在於肯喺鏡頭前啪啪啪就得，難嘅地方卻在於要成為人氣AV女優，樣貌、身材、床技、氣質同觀眾緣缺一不可，而呢五個元素喺石原夢月身上正好都搵得到。
呢位笑容相當迷人又充滿陽光味嘅女優，被AV迷稱佢做萌味十足嘅AV界新星，加上一對33D美乳及修長嘅美腿，論外形真係冇得彈，事實上決定投身AV界前，佢已經喺日本寫真界打滾咗一段時間。
早喺15歲時，佢以美少女偶像進軍寫真界，憑住青春迷人嘅樣貌同親切嘅笑容，被喻為美少女寫真女優中嘅偶像級之選。除咗寫真工作外，亦頻頻喺綜藝節目上亮相，2017年參加日本美少女比賽，仲打埋入決賽圈添。不過一直以美少女形象示人嘅佢，卻因為年紀漸大關係，2018年步入工作嘅瓶頸位，並喺好長嘅一段時間內零工作，對一心喺藝能界發展嘅佢嚟講，係時候思考未來嘅發展，咁啱呢個時候有AV事務所同佢接洽，經過一番思量後，認為AV女優嘅工作可以作為達到夢想嘅方式，結果2019年跟AV片廠SOD簽約，8月宣布出道，同月推出處女作《絕對的偶像 AV DEBUT》。
處女作被SOD稱為「絕對的偶像」並非誇張嘅噱頭，皆因石原夢月喺寫真女優時期，確實有相當嘅人氣，加上標致嘅外形，確實有成為AV界偶像嘅潛質，而最重要就係佢仍然相當年輕，喺AV界仲有相當大嘅發展空間，SOD更事先張揚喺9月同10月仲有兩套新作推出，尤其係喺9月推出嘅作品《石原夢月 AV debut 2nd 性‧慾‧開‧放 4本番》，更係事先張揚會有明槍實幹嘅演出，而從呢個宣傳攻勢中可以睇出，SOD對石原夢月嘅期望相當高。不過對阿妹嚟講，最大嘅難題在於啪啪啪，佢表示由於性愛經驗唔多，仲要喺鏡頭前展現自己嘅享受嘅一面，真係有相當嘅難度，好彩合作嘅男優經驗豐富，知道點樣可以帶動到佢嘅反應。
此外，佢最估唔到係AV演出竟然好講求體格。佢表示雖然曾練過舞蹈，但身體唔係好柔軟，只係AV演出時唔少體位都講求關節嘅靈活性，結果好多時因為關節有啲硬，而要導演遷就佢，令佢覺得相當唔好意思。對於未來嘅發展，佢話仍希望有日能進軍藝能界，成為兩界中嘅偶像。
碟名：《絕對的偶像AV DEBUT》
簡介：作為石原夢月嘅出道作，就好似佢喺宣傳時所講，因為床上經驗唔係豐富，令佢嘅演出有種怕醜感。不過正正係呢種羞澀嘅表現，先至有種清新嘅味道，真係好期待佢未來變得成熟後會係點呀！
出生地：名古屋
身 高：153cm
三 圍：33D-23-34
撰文：魂